លោក ខៀវ កាញារីទ្ធ៖ កម្ពុជា ព្យាយាមបញ្ចៀសការបង្កទំនាស់ពីពួកជ្រុលនិយមថៃ

ភ្នុំពេញ៖ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាមន្ត្រីនាំពាក្យរាជរដ្ឋាភិបាលកម្ពុជា បានអះអាងនៅល្ងាចថ្ងៃចន្ទនេះថា រាជរដ្ឋាភិបាលកម្ពុជា នឹងព្យាយាមបញ្ចៀសការបង្កទំនាស់ពីសំណាក់ពួកជ្រុលនិយមថៃ។ ការអធិប្បាយរបស់មន្ត្រីជាន់ខ្ពស់របស់កម្ពុជារូបនេះ ធ្វើឡើងបន្ទាប់តុលាការយុត្តិធម៌អន្តរ (ICJ) បានប្រកាសាលដីកាដោយសម្រេចថា ទឹកដីជុំវិញប្រាសាទព្រះវិហារជាកម្មសិទ្ធិរបស់ព្រះរាជាណាចក្រកម្ពុជា។

បើតាមលោក ខៀវ កាញារីទ្ធ បើទោះបីជាសាលក្រមឆ្នាំ១៩៦២ ត្រូវបានតុលាកាយុត្តិធម៌អន្តរជាតិសម្រេចបកស្រាយ និងប្រកាសសាលដីកាលើសំណុំរឿងនេះហើយក៏ដោយ សម្រាប់រាជដ្ឋាភិបាលកម្ពុជា គឺនៅតែបន្តកិច្ចសហការជាបន្តទៀត រវាងកងទ័ពនៃប្រទេសទាំងពីរ។ លោកបញ្ជាក់ថា៖« យើងនឹងព្យាយាម បញ្ចៀសការបង្កទំនាស់ពីសំណាក់ពួកជ្រុលនិយមថៃ ហើយយើងនឹងបន្តកិច្ចសហការរវាងកងទ័ពទាំងពីរប្រទេស» ។

យ៉ាងណាក៏ដោយ មន្ត្រីនាំពាក្យរដ្ឋាភិបាលអាណត្តិទី៥របស់កម្ពុជារូបនេះ មិនទាន់ប្រាកដនៅឡើយទេថាកម្ពុជានឹងរៀបចំប្រារព្ធពិធីសាទរ ឬក៏អត់នោះ។ ប៉ុន្តែលោកបញ្ជាក់ថា ប្រសិនបើមាការប្រារពពិធីសាទរណាមួយនោះ កម្ពុជាក៏មិនអាចសម្ដែងនូវសកម្មភាពណាមួយដែលជាការបញ្ឈឺចិត្តដល់ភាគីថៃនោះដែរ ព្រោះវានឹងអាចដាក់សម្ពាធទៅលើរដ្ឋាភិបាលថៃបច្ចុប្បន្ន និងអាចជាការផ្ដល់គ្រាប់ទៅឲ្យពួក ជ្រុលនិយមថៃ៕

ប្រភព៖ ថ្មីៗ